శ్రీ తాడూరీ శ్రీనివాస్ గారి క్యాంపు కార్యాలయం లో ఆర్.ఏం.పీ & పీ.ఏం.పీ డాక్టర్స్ అసోసియేషన్ సభ్యులు

కుషాయిగూడ లో తెలంగాణ రాష్ట్ర ఏం.బీ.సీ కార్పొరేషన్ చైర్మన్, తెరెసా రాష్ట్ర కార్యదర్శి శ్రీ తాడూరీ శ్రీనివాస్ గారి క్యాంపు కార్యాలయం లో ఆర్.ఏం.పీ & పీ.ఏం.పీ డాక్టర్స్ అసోసియేషన్ సభ్యులు సమావేశమయ్యారు. వారి యొక్క సమస్యలను తాడూరీ కీ విన్నవించారు.

కనీసం రోడ్డు సదుపాయం కూడా లేని మారుమూల గ్రామాల్లో భిదరికంతో బాధ పడుతున్న ఎంతోమంది భీదవారికి తక్కువ ఖర్చుతో ప్రాథమిక చికిత్సను ఆందోస్తూ వారికి అవసరమైతే తదుపరి వైద్యానికి ఎక్కడికి వెళ్తేబాగుంటుంది అనే విషయాన్ని సూచిస్తామని వారు తెలిపారు. కానీ ఇప్పుడు వారి పరిస్థితి దారుణంగా ఉందని స్టేతస్కోప్, బి.పి నియంత్రణ యంత్రాలు వాడటం నేరమని పోలీసులు వారిపై 420, 188 లాంటి నాన్ బెయిలబుల్ కేసులు పెట్టి ఇబ్బంది పాలు చేస్తున్నారని, వాటి పై వారికి తగు న్యాయం చేయాలని, వారి సమస్యలను ముఖ్యమంత్రి శ్రీ కల్వకుంట్ల చంద్రశేఖరరావు గారి దృష్టి కి తీసుకువెళ్లాలని వారు తాడూరిని కోరారు. దీనిపై తాడూరి సానుకూలంగా స్పందించినట్టు తెలిపారు.

తాడూరి మాట్లాడుతూ తెలంగాణ ప్రభుత్వం సమాజానికి సేవ చేసే వారికి ఎప్పుడు అండగా ఉంటుందని, అంగన్వాడీ లను, ఆశ వర్కర్స్ ను, హోంగార్డ్స్ లను గుర్తించి వారికి తగు న్యాయం చేసిన గొప్ప ప్రభుత్వం తెలంగాణ అని తెలిపారు. ఉద్యమంలో ఆర్ ఎం పి డాక్టర్లు చేసిన సేవ ను కె.సి.ఆర్ గారు మరువలేదని త్వరలోనే వైద్య శాఖామాత్యులు గారి దృష్టికి, వారి సహకారంతో ముఖ్యమంత్రి గారి దృష్టికి సమస్యలను తీసుకెళ్తామని తాడూరి తెలిపారు.

243 total views, 5 views today

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *