నిజామాబాద్ పట్టణంలో ఎం.బి.సి కులస్థులు సమావేశానికి తాడూరి శ్రీనివాస్ గారు ముఖ్య అతిథిగా హాజరయ్యారు.

నిజామాబాద్ పట్టణంలో మహతి రమేష్ నాయి గారి ఆధ్వర్యంలో నిర్వహించిన ఎం.బి.సి కులస్థులు సమావేశానికి ఎం.బి.సీ కార్పొరేషన్ చైర్మన్ తాడూరి శ్రీనివాస్ గారు ముఖ్య అతిథిగా హాజరయ్యారు.

తాడూరి మాట్లాడుతూ కె సి ఆర్ గారు ఎం బి సీలు ఉన్నారని గుర్తించి దేశం లో ఎక్కడ లేని విధంగా ఎం బి. సి కార్పొరేషన్ ఏర్పాటు చేసి 1000 కోట్ల రూపాయలను కేటాయించడం శుభ పరిణామం అని వెల్లడించారు. నిజామాబాద్ పార్లమెంట్ సభ్యురాలు , శ్రీమతి కల్వకుంట్ల కవిత గారు పలుమార్లు చర్చల్లో తమ పార్లమెంట్ నియోజకవర్గంలో ఉన్న ఎం.బీ.సీ లకు త్వరితగతిన రుణాలు మంజూరు చేయించి సహాయపడగలరని తనను కోరినట్టు , వారికి ఎం.బీ.సీ ల పట్ల అపారమైన ప్రేమ ఉంది ఆయన ఈ సందర్భంగా గుర్తుచేశారు.

ప్రభుత్వం గత 70 సం కాలంలో చేయలేని పనులను కేవలం మూడున్నర ఏండ్ల లో చేసి చూపించింది అన్నారు.

గతం లో ఎన్నడూ లేని విధంగా కుల సంఘ నాయకులతో గంటల తరబడి చర్చించి వారి వారి అవసరానికి అనుగుణంగా స్కీం లను రూపొందిస్తున్న ఏకైక ప్రభుత్వం తెలంగాణ అని తెలిపారు.

కుల వృత్తుల పై ఆధారపడి జీవించే వారిని ఆధునీకరించి వారి నైపుణ్యాన్ని పెంపొందించే కార్యక్రమాలను శ్రీకారం చుట్టినట్టు ఇప్పటికె నాయీబ్రాహ్మణులకు వృత్తి నైపుణ్య శిక్షణ అందించామని అన్నారు. వృత్తి పని పై కాకుండా వృత్తి మైగ్రేషన్ కోరుకునే చదువుకున్న యువత కోసం కూడ ప్రత్యేక కార్యాచరణ రూపొందిస్తున్నట్టు తాడూరి వెల్లడించారు.

బంగారు తెలంగాణ సాధనలో సంక్షేమ పథకాలు పేద వారి గడప గడపకు చేరవేయడమే తెలంగాణ ప్రభుత్వం యొక్క ముఖ్య ఉధ్యేశంగా గౌరవ ముఖ్యమంత్రి కెసిఆర్ గారు ముందుకు దూసుకుపోతున్నారని చెప్పారు.

రాబోయే రోజుల్లో తెలంగాణ రాష్ట్రంలో బడుగు బలహీన వర్గాలు ఆర్థికంగా, రాజకీయంగా అభివృద్ధి చెందుతారని ఆశాభావం వ్యక్తం చేశారు.

ఈ కార్యక్రమంలో మహతి రమేష్, శంకర్ నాయి, రమణ రజక ఇతర ఎం బి సి కుల సంఘ స్థానిక నాయకులు పాల్గొన్నారు.

313 total views, 7 views today

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *